Euskararen bizi-indarraz Ipar Euskal Herrian

Bere Atlas of the World’s Languages in Danger-eko (Munduan Arriskuan diren Hizkuntzen Atlasa) azken bertsioan, 2010ekoan, alegia, euskara desagertzeko arriskuan dauden 2.500 hizkuntzen zerrendan sartu zuen UNESCOk berriz ere. Hau da UNESCOk egindako bost mailatako arriskuaren sailkapena: «Kaltebera», «Arriskuan», «Larriki arriskuan», «Egoera larrian» eta «Hila». Euskarak bere tokia hobetu duen arren, kaltebera da UNESCOren ustez, eta ahultasun egoeran dago oraino. Halere, euskararen egoera oso larria da Ipar Euskal Herrian.

Zein dira, laburbillduz, aditu taldeak definitu zituen bederatzi faktoreak? Horien inguruan jakin nahi baduzu, irakurri erabili.com webgunean datorrena.

Euskarazko palindromo lehiaketa, 2. edizioa

Bigarrenez, Arrasate Euskaldun Dezagun elkarteak (AED) Euskarazko Palindromo lehiaketa antolatu dugu. Diotenez, euskarazko palindromoen lehen lehiaketa 1923an “Kirikiño”k antolatu zuen eta 150 palindromo jaso ziren. Iazko lehiaketara aurkeztutakoak kopuru horretara heldu ez ziren arren, jasotako uzta oparoa izan zen. Ea aurtengoan gehiago lortzen ditugun!

Informazio osoa izateko, egin klik hemen eta hemen.

Hiahoka, hizkuntza ahotsaren eta kantuen bitartez sentitzeko proiektua

Banaiz Bagara elkarteak, Mintzola Fundazioarekin eta Euskal Kantuzaleen elkartearekin lankidetzan, euskara ikasteko eta erabiltzeko bide berriak ireki asmoz garatu duen proiektu pilotuaren emaitzak eta irakasleentzako materiala aurkeztu ditu.

Bizkaidatz saria, Bizkaiko Foru Liburutegiaren eskutik

Sustatu.com webgunetik hartu da berria.

Bizkaiko Foru Liburutegiko BizkaIdatz Sariaren laugarren deialdia irekita dago jadanik. Esta historia la escribes tú/ Jarraitzeko prest? orain zure txanda da sarian parte hartzeko informazioa eskura dago jadanik. Aurten euskarazko ipuinaren hasiera Katixa Agirrek egin du eta gaztelaniazkoa Alex Oviedok. Proposatzen diren istorioak ezagutzeko eta oinarrien buruzko informazioa jasotzeko Bizkaiko Foru Liburutegiko web orrira jo dezakezue.

Erref.: Bizkaidatz saria, Bizkaiko Foru Liburutegiaren eskutik (www.bizkaia.net)

 

 

 

 

Txillardegi hil da

2012ko urtarrilaren 14an hil zen Jose Luis Alvarez Enparantza Txillardegi politikari, hizkuntzalari eta idazlea Donostian, etxean, 82 urte zituela. BERRIAren gehigarri berezia Txillardegiren heriotzari buruz

‘.eus’ domeinuaren eskaera

PuntuEus elkarteak martxoan egingo du Interneteko domeinuak esleitzen dituen ICANN erakundean ‘.eus’-en eskaera formala, elkarteko Iratxe Esnaolak ARGIAri adierazi dionez. Gaur ireki da eskari berriak egiteko epea eta apirilaren 12a arte egongo da irekita. Artikulu osoa ARGIAn.

Haur txikien euskara garapena neurtzen

Komunikazio Garapena Neurtzeko Zerrenda izeneko tresna aurkeztu zuten abenduan Mondragon Unibertsitateko, Salamancako Unibertsitateko eta EHUko hainbat irakaslek, Kontseiluak antolatutako jardunaldietan. Tresnaren helburua da haurtxoek euskara nola garatzen duten aztertzea eta balizko atzerapenak garaiz detektatzea.Guztia irakurtzeko aukera duzu Argia aldizkarian.

Euskara (berriz) etxekotzea, gurasoen esku

Hizkuntza gutxituen artean asko dira denborarekin erabilera esparruak eta hiztunak galdu eta horregatik beren jarraipena arriskuan izatera iritsi direnak. Etxean-familian-auzoan mintzatzeari utzitako hizkuntzek zail izaten dute arlo horietan berriz errotzea eta ondorioz, belaunaldi berriek ez dute mintzaira horietan normaltasunez sozializatzeko baldintza egokirik izaten. Guztia irakur daiteke erabili.com webgunean.

Jaurlaritzak 4.875.000 euro emango ditu euskarazko hedabideak sendotzeko

Eusko Jaurlaritzak diru-laguntza partida biren deialdia egin du. Batetik, 4.875.000 euro erabiliko ditu 2012. urtean euskarazko hedabideak sendotu, garatu eta normalizatzeko. 2011n baino 600.000 euro gutxiago emango ditu, eta 2010ean baino 850.000 euro gutxiago.

Bestetik, 1.464.000 euro erabiliko ditu Informazioaren eta Komunikazioaren Teknologietan (IKT) euskara sustatu, garatu edota normalizatzeko, aurten baino %7,1 gutxiago. IKTetako diru-laguntza bi multzotan banatu du Jaurlaritzak; informatika programak sortzeko laguntza aurten baino txikiagoa izango da, eta Interneten euskarazko edukiak sustatzeko laguntza, berriz, handiagoa. Informazio gehiago ARGIAn.

Euskararen egoera eta azken urteetako bilakaera zenbakitan

Hizkuntza Politikarako Sailburuordetzak  euskararen egungo egoera eta azken 15-20 urtean izan duen bilakaerari buruzko adierazleak biltzen dituen txostena egin du.

Txostenak erakusten duenaren arabera, euskararen ezaguntzan aurrerapauso argiak eman dira azken urteotan. Izan ere, Euskal Autonomia Erkidegoko biztanleen, %37,5 elebidun da gaur egun. 1981ean, aldiz, EAEko elebidunen ehunekoa %21,9koa  zen. Informazio guztia irakur daiteke.