Euskerearen erabilera informala aztertuko dabe Euskaltzaindiak eta Ezkerraberrik

Jardunaldia egingo dabe bagilaren 1ean, Donostian.

Gizartean pil-pilean dagoan gaia da euskerearen erabilerearena, eta sarri sortzen dira kalapita eta nahasteak, azaldu dau Inaki Irazabalbeitia Ezkerraberri Fundazinoko zuzendariak. Hain zuzen be, kezka horri erantzutera dator Euskaltzaindiagaz batera antolatu daben jardunaldia. Euskera informalaren inguruko hainbat alderdi jorratuko ditue: euskalkien zeregina zein dan, ahozko euskereak eta argotak zelakoa behar dauen izan, gazte hizkerak…

Bagilaren 1ean egingo dabe jardunaldia, goizetik eguerdira bitartean, Donostiako Tolare baserrian, Luis Villasante Euskerearen Ikergunean. Hainbat lagunek egingo dabe ekarpena, nork bere alorretik. Parte-hartzaileen artean dagoz Mikel Zalbide, Inma Muñoa, Orreaga Ibarra, Asisko Urmeneta, Adolfo Arejita, Joxerra Gartzia eta Xabier Euzkitze.

Bizkaie

Anuncios

Hamasei ohorezko euskaltzain izendatu dituzte

Guztira, bost emakumezko eta hamaika gizonezko izendatu dira: bost bizkaitar, sei gipuzkoar, bi lapurtar eta baxenabartar, arabar eta nafar bana.

Ohorezko euskaltzain berrien zerrenda: Jose Antonio Aduriz, Martxel Andrinua, Txaro Arteaga, Maria Jose Azurmendi, Miren Jone Azurza, Henri Duhau, Izaskun Gastesi, Abel Muniategi, Manex Pagola, Jose Maria Rementeria, Sabin Salaberri, Txomin Solabarrieta, Julen Urkiza, Arantxa Urretabizkaia, Pello Zabala eta Auxtin Zamora. Bizkaie

Internetek eta sare sozialek sortutako karbono aztarna

Ozono geruzaren suntsipena edo emisio kutsatzaileak aztertzean, gutxitan pentsatzen dugu gure smartphone edo on-lineako jardueraren inguruan.

Karbono-aztarnak berotegi-efektuko gasen isuriak kuantifikatzea ahalbidetzen du atmosferara kaleratzen diren jardueren ondorioz, zerbitzuak betetzeko, enpresen funtzionamendurako edo produktuak fabrikatzeko. Kuantifikazio hori oinarrizko kontzientziazio tresna da beroketa globalaren jarduera bakoitzaren eragina aztertzeko. Azkue fundazioa.

“Istorioak belarrietara” IV. Kontakizun Laburren Lehiaketa

Igartubeiti Museoak eta Untzi Museoak “Istorioak belarrietara” kontakizun laburren IV. edizioaren deialdia egiten dute. Deialdi honek idazketa euskaraz sustatzea eta zabaltzea du helburu, honakoan haur ipuinen generoa bereziki bultzatuz. Gainera, kultur ondarearen inguruko lan modu berriak zabaldu eta parte hartze zein esperimentazio gune berriak sortzea du xede. Epea zabalik 2018ko ekainaren 15 arte.

Deialdiaren gaia baserria eta itsasoa da. Erdi Aroaren amaieran, arrantzaren gorakadarekin batera, dolare baserria sortu zen. Lantegi izugarriak ziren eta tokiko kontsumoa hornitzeaz gain, merkataritza eta arrantza itsasontziak ere hornitzen zituzten.

Historian zehar, sagardoa, baserria eta itsasoa gaur egunera iritsi zaizkigun kontakizunak eta kondairak sortzeko gaiak izan dira. Esate baterako, Ataungo Agerre baserriko jabeei Jentilak egindako madarikazioa edo beraien aberastasunekin gelditzeko asmoz eremu arriskutsuetara itsasgizonak erakartzen saiatzen ziren mamuen eta gezurtien kondairak

Animatu zaitez! Sustatu.eus

Epea zabalik 2018ko ekainaren 15 arte.

Lokuzio eta esakunak aurkitzeko altxorrak sarean

Hiru izen propio daramatzaten fondoak dira, Justo Mokoroaren bilketa (Ortik eta emendik), Gotzon Garateren Atsotitzak, eta Intza Proiektua (Euskal lokuzioak sarean), Damaso Intzaren izena daramana baina egiazki Koldo Izagirreren lana dena funtsean. Bakoitzera heltzeko laburdurak sortu ditugu, labur.eus/mokoroa, labur.eus/garate eta labur.eus/izagirre.

Osorik

Udaltopek Euskaraldia izango du oinarri hamargarren edizioan

Euskaraldia puntuz puntu. Aurtengo puntuari erantzunak eta datorrenari galderak. Horixe da Udaltop Udaletako Euskara Zerbitzuen Topaketak hamargarren ediziorako aukeratu duen izenburua. Eta izenburuak berak iradokitzen duen moduan, Euskaraldia izango da oinarri nagusia. Horrela iragarri dute gaur goizean komunikabideen aurrean Lasarte-Oriako Udalak, Gipuzkoako Foru Aldundiak, Eusko Jaurlaritzako Hizkuntza Politikako Sailburuordetzak eta Euskaltzaleen Topaguneak egitaraua aurkeztearekin bat. Sustatu.eus

Hizkuntza estresa

Gizarte elebidun batean, hizkuntza gutxiagotuan edo euskalki gutxiagotuan hitz egin nahi dutenek etengabe jasaten duten hizkuntza estresa azaltzen ibili ziren Lehen Hezkuntzako bigarren mailako ikasle batzuk.

Scratch programazio lengoaiarekin, adibide pare bat eskaini ziguten YouTuben. (Haien irakasle baten edo batzuen laguntzarekin, imajinatzen dut).

Bideoko lehenengo adibidean, hizkuntza gutxiagotua edo erabat zabalduta dagoen hizkuntzaren arteko hautua egin behar du tabernari ezezagun batengana hurbildu den neska. Neskak imajinatu du bere aurrean dagoen tabernariak jakin jakingo duela gaztelaniaz. Probabilitatea %100. Zenbait ingurutan, ordea, tabernariak euskaraz jakiteko probabilitatea txikiagoa da. Elebidunak bere gain hartu du hizkuntza estresa eta tabernari ustez erdaldun horri estres hori transmititu beharrean, ezer baino lehen, elebidunak hizkuntza aldatu du.

Tabernariak ez du jakingo neska horrek, agian, nahiago zuela euskaraz egitea. Tabernariak, benetan erdaldun hutsa bada eta euskaldun guztiek beti horrela jokatuz gero, pentsa dezake bere lantokian ez duela euskara ezertarako behar.

Bigarren adibidean, euskara estandarrean eta euskalki batean ondo moldatzen den euskaldun bat agertu da. Hemen, hizkuntzaren bi aldaera ondo dakizkien hiztunak talde horretan gutxiagotua geratu den hizkuntza aldaera hautatu du. Taldeko batek aldaera zabalduagoa hautatzeko esan dio. Berriro ere estresa bi aldaera dakizkien horrek pairatu du. Baina oraingoan euskalkia ez zekitenek ere estres moduko bat jasan dute, aldaera horretan hobeto moldatzeko gogoa, aldaera hori ikasteko gogoa, aldaera hori betiko baztertzeko gogoa… Auskalo.

Horra “klasiko” bilakatu den beste bideo bat. Badu, bada elkartekoek duela urte batzuk plazaratua:

Wikilarien udaberriko topaketa, euskarazko Wikipedian editatzen ikasteko

Euskal Wikilariok Udaberriko Topaketa & Tailerrean elkartuko gara datorren ostiralean, hilak 20, Donostian. Urteko batzarrean Euskal Wikilarien Kultur Elkarteak (EWKE) erabaki zuen bi edo hiru hilean behin edizio edo ikasketa topaketak antolatzea, euskarazko wikipedia hornitzen laguntzeko, hasiberri zein beteranoagoentzat, eta hauxe dugu lehen aukera. Osorik irakurri.

“Euskarak Interneten duen egoera”, 2017ko datuen txostena aurkeztu du PuntuEUS Behatokiak

PuntuEUS Behatokiak 2017ko txostena aurkeztu du gaur goizean. Hirugarren urtez jarraian euskarak Interneten duen presentzia aztertu du PuntuEUS Behatokiak. Behatokiak hiru alor neurtzen ditu: .EUS domeinuaren egoera, Internet Euskal Herrian eta euskararen egoera Interneten. Euskararen interneteko egoeran eragiteko eper ertain-luzeko estrategiak behar direla azpimarratu dute txostenaren egileek. Datu orokor bat ere eman dute: 26.663 webgune daude euskarazko edukiren bat daukatenak (Euskal Herri osoko webguneen %16).

PuntuEUS Behatokia PuntuEUS Fundazioaren ekimena da, eta euskarak Interneten duen egoera neurtzen du; emaitzak webgunean daude ikusgai. Azterketa urtean behin egiten da, eta 2017ko datuen gainean egindako neurketaren emaitza aurkeztu dute Lorea Bilbao Bizkaiko Foru Aldundiko Euskara eta Kulturako Foru Diputatuak eta Josu Waliño PuntuEUS Fundazioaren zuzendariak, Bilbon egindako agerraldian.

Hiru puntu azpimarratu dituzte:

  • Euskararen Interneteko erabilera egonkor mantendu da azken 3 urteetan.
  • Behatokian oinarrituta .EUS mapa ere aurkeztu dute, Irontecek garatua.
  • .EUS domeinuaren hazkundea bereziki enpresetan ari da gertatzen. Osorik sustatu.eus