Joxean Artzeren 5 abesti mitiko * ZUZEU

Joxean Artzeren 5 abesti mitiko . Gugan bego, eta batez ere, Mikel Laboarekin elkarlanean utzitako doinu eta hitzetan. Hona 5 perla

Guztia irakurri (zuzeu.eus)

 

Anuncios

Behargin publikoen % 71k euskeraz egin leikie lan

 

Eusko Jaurlaritzeak egindako azterlanak euskera gaitasunen inguruko hainbat datu dakarz.

Ondorioztatu geinke euskal hiztunek euskerea erabilten dabela administrazinoko beharginakaz; beste edozein eremutan baino gehiago erabilten dabe eta, gehienek badakie administrazinoa euskeraz erantzuteko kapaz izango dala, adierazo dau Zupiriak.

Zer hobetua be badago, Jaurlaritzak agindutako txostenak agertu dauenez. Administrazinora idatziz jo daben hamar herritarretik batek erderaz jaso dau erantzuna. Ahozko hartu-emonetan, lauren batek ez dau euskerazko arretarik jasoten, holan eskatu arren.

Erakundeen arteko komunikazinoan, administrazino publikoen arteko hartu-emonetan euskerea eta erderea orekatuta dagoz. Administrazinoaren eta enpresa pribaduen artekoa, ostera, erderaz da batez be. Osorik irakurri.

Zientzia Azokan gaztetxo eta ikertzaileek elkarrekin lanean bizitako esperientzia jasoko du UEUk

Elhuyarrek antolatzen duen Zientzia Azoka ekimenarekin bat egiten du UEUk eta ildo horretatik beraien proiektuak garatzen ari diren bost talderen esperientziak jasoko ditugu atarian.

Elhuyarrek kultura zientifikoa gizartean sustatzeko egiten dituen ekimenetako bat da Zientzia Azoka.

Ekimenarekin 12-18 urte bitarteko gazteengan zientziaren eta teknologiaren arloetako gaitasunak lantzea, bokazioak piztea eta alorreko pertsonak hurbiltzea lortu nahi da. Honela, ikerketa zientifikoa eta garapen teknologikoa barrutik bizitzeko aukera eskaintzen zaie gazteei, ikertzaile profesionalekin elkarlanean.

33 ikastetxetako 911 ikasle ari dira proiektua lantzen momentu honetan, gehienek bisitatu dituzte elkarlanean ari diren ikertzaileen ikerketa-zentroak eta honen guztiaren emaitza apirilaren 21ean Bilbon ospatuko den azokan erakutsiko dute (Plaza Berrian).

 

 

Euskerearen erabilerea suspertzeko plana abian EHUn

Unibersidade ikasketak egiterako orduan, gero eta gehiago dira euskerea aukeratzen daben ikasleak. Halandabe, EHUtik adierazo dabenez, errealidadea ez da larrosa kolorekoa, gazte askok euskerea eskoleagaz lotzen dabe eta dinoenez, handik kanpo ez dabe pentsau be egiten hizkuntza hau erabiltea. Egoera hori iraultzeko asmoz, Aktibatu programea jarri dau martxan Euskerearen eta Etenbako Prestakuntzearen arloko Errektoreordetzeak. Fakultade honeetan abiarazoko dabe ekimena: Farmazian, Hezkuntza eta Kirolean, Informatikan, Filosofia eta Antropologian, Gizarte eta Komunikazino Zientzietan eta Hezkuntzan.

Fakultade guzti honeen helburua izango da ikasleak aktibatzea, baina baita administrazino eta zerbitzuetako langileak eta irakasle-ikertzaileak prestatzea be, euren eguneroko harremanetan hizkuntza ohiturak aldatu eta euskeraz egin deien ulertzen daben guztiakaz. Osorik

Behatzen: 3 entretenimendu-joko haurren kontzentrazioa lantzeko

Duela gutxi aurkeztu genizuen Irudikon aplikazioa, arreta-defizitari lotutako arazoak dituzten umeei laguntzeko joko bat. Gaur, berriz,Behatzen dakarkizuegu. Aplikazio honek antzeko helburua du, kontzentrazioa lantzearena, eta hiru joko ditu aipatu esparrua lantzeko. Azken hori ere Android zein iOS gailuetan instalatu daiteke. Osorik irakurri

Euskerearen erabilerea errazteko baliabideak aurkeztu ditue

Eusko Jaurlaritzako Kultura eta Hizkuntza Politika Sailak tresna edo baliabide multzo barria aurkeztu dau, euskerearen erabilerea bultzatzeko. Donostiako Tabakalera zentroan egindako aurkezpenean, Miren Dobaran Hizkuntza Politikako sailburuordeak honako tresnak aurkeztu ditu: Elhuyar Hiztegiaren bersino barria, hiztegi digital horren aplikazino barriztua, bederatzi hiztegi terminologiko, Hiztegibar plug in-a eta Hizketa ereduak argitalpenaren aplikazinoa gailu mobikorretarako. Baliabide horreek, batez be, lexikoaren eta terminologiaren ikuspegitik lagunduko deutsie euskerea erabili nahi dabenei. Osorik irakurri

Umeen Literaturako VI. Mikel Zarate Saria abian

Lezamako Udalak eta Elkar argitaletxeak, txikitxuentzako ipuin barriak sortu eta idazleen lana bultzatzeko asmoz, umeen literaturako Mikel Zarate lehiaketea atondu dabe, euskal kulturearen alde lan itzela egindako lezamar idazlearen gomutaz. Lanak bialduteko azkenengo eguna apirilaren 30a izango da.

Lehen Hezkuntzako ikasleentzat (6-12 urte bitartekoentzat) euskeraz sortutako kontakizunak aurkeztu behar dira, jatorrizkoak, beste inondik moldatu bakoak eta aurretik saririk jaso edo argitaratu ez diranak. Testuek gitxienez hamar orrialde eukiko ditue, eta gehienez, 50. Osorik