Kalean da Elhuyar aldizkaria, formatu eta diseinu berriekin

Elhuyar aldizkariak diseinua eta formatua berritu ditu. Hala, lehen baino txikiagoa, garbiagoa eta erosoagoa da, irakurtzeko eta eskutan ibiltzeko atseginagoa. Edukia ere eraberritu du, neurri batean. Izan ere, betiko helburuari eusten dio: zientzia eta teknologia munduan gertatzen denaren berri ematea, era zorrotz eta entretenigarrian. Orain, baina, orri gehiago ditu, eta zientzialariek berek, pertsonek, dute lehentasuna.

Anuncios

Joseba Intxausti historialari eta euskaltzalearen obra osoa sarean

Jakin Taldeak Joseba Intxausti historialari eta euskaltzalearen obra osoa digitalizatu du. Guztira, Intxaustik sei hamarkadez argitaratutako 504 dokumentu eta 11.684 orrialde sareratu dira, ekimenaren aurkezpenean azaldu dutenez. Joseba Intxausti Rekondo (1936, Segura, Gipuzkoa) historialaria da, baina historialarienak ez diren hamaika lanetan ere nabarmendu da. Aitzindaria izan da euskararen historia sozialaren eta Euskal Herriaren historia erlijiosoaren ikerketan, eta baita bereziki euskararen terminologiaren arloan. Esaterako, oso gazte zela eta Jakin sortu berritik garbizalekeriari aurre egitera ausartu zen, eta UZEIren sorrera bultzatu eta zuzendu zuen.

Guztia irakurri (europapress.es) »»

AZPidazki, kanpotik eta barrutik berrituta

EHUko Administrazio eta Zerbitzuetako Pertsonalari euskaraz lan egiten laguntzeko tresna bat da AZPidazki, Euskararen arloko Errektoreordetzak sustatua. 2004an sortu genuenetik, AZPidazki behin baino gehiagotan berritu dugu itxuraren eta edukien aldetik, baina urteak ez dira alferrik pasatzen, zaharkituta geratu zitzaigun eta aspaldian konturatuta geunden aldaketa sakonagoa behar zuela. Horregatik, azken hilabeteotan lanean aritu gara AZPidazkiren azala eta mamia berritzeko. Iturria: Imanol Azkue

Hedabide berri bat jaio da, Beitu!

Nola iritsi mugikorrera itsatsita dauden nerabeengana? GAZTEZULOk proposamen berria aurkeztu du: Beitu! BEITU! hilero jaso ahal izateko, izena eman behar da. Hau doakoa da, eta bi modutara egin daiteke: Instagram kontuko portadan azaltzen den estekan klik eginez edo zuzenean www.gaztezulo.eus/beitu orrialdean sartuz. Behin harpidetza eginda, erabiltzailea BEITU! komunitatearen kide izango da eta hilero WhatsAppean jasoko du. Gustuko dituzten edukiak klik bakarrean eta lagunekin partekatzeko prest!

Badator V. ttiklik GURASOEI GUTUNA idazlan laburren lehiaketa

Aurten ere martxan da GURASOEI GUTUNA idazlan laburren lehiaketa (0-100… urte). Haurrekin lanketa egiteko aukera paregabea duzue hemen. Gurasoekiko harremanak, gutunak idaztea, sentimenduen lanketa, istripuen eta doluaren gaia… ideia batzuk botatze aldera 😉 Haurrekin ez ezik zuek ere animatu idaztera. Atera barruko sentimenduak eta jarri idatzita. Badakit ez dela erraza, baina barruak askatzeko erabat baliagarria bai. Osorik irakurri: sustatu.eus

 

 

 

Elhuyarreko hizkuntza teknologia sailak “Irakurle Digitala” garatu du

“Irakurle Digitalak ohiko formatuko euskara, gaztelania eta ingelesezko dokumentuetarako balio du”, azaldu du Info7 irratian Saroi Jauregi Elhuyarkoak. Hau da, testua ahots bihurtzeko sistema bat da. Firefox nabigatzailerako eta Libre Office, Open Office nahiz Ofimatica programetarako luzapen bana garatu dituzte.

Guztia irakurri (info7.naiz.eus) »»

Beste 6 hiztegi terminologiko kontsultagai

Joan den otsailaren 11n Eusko Jaurlaritzako Hizkuntza Politikarako Sailburuordetzak 6 hiztegi terminologiko aurkeztu zituen. Hiztegiak UZEI Terminologia eta Lexikografia Zentroak eginak dira, entitate horrek Hizkuntza Politikarako Sailburuordetzarekin (HPS) EuskaltermTerminologia Banku Publikoa eguneratzeko eta elikatzeko izenpetutako kontratuaren barruan.

Hiztegiotan jasotako sarrera guztiak, paperean argitaratu baino lehenagotik ere (Terminologia Batzordeak onartuz geroztik) ikusgai zeuden Euskaltermen. Orain, paperean argitaratuta, eta batez ere, PDF formatuan erabilgarri ipinita webgunean, aukera daukagu hiztegiak bere osotasunean begiratzeko eta hiztegiaren lanketari buruzko informazio osagarriaren berri izateko. Sustatu.eus

ETB1ek Euskal Herrian egindako filmak emango ditu urte osoan

ETB1en boladaka iristen da zinema. Egin izan dituzte zikloak. Eman izan dituzte pelikulak saio baten babesean. Eta izan dira aste luzeetako hutsuneak ere, euskarazko film bakar bat eman gabe. 2016. urtean astero ikusi ahalko da film bat ETB1en, Zinez saioan. Pelikula bakoitzaren aurretik, aurkezpen labur bat egiten du Fermin Etxegoienek. Datorren astelehenetik aurrera, gainera, saio bikoitza izango da: lehenbizi, Euskal Herrian ekoitzitako lan bat izango da ikusgai, eta, gero, atzerriko zinta bat euskarara bikoiztuta.

Jord Bayarrik haurrei zuzenduta egindako hiru zientzialariren komiki-biografiak euskaraz

2012an Jordi Bayarri komikigilea zientzialarien bizitza kontatzen duten hainbat komiki egiten hasi zen, haurrei zuzendutakoak eta gaztelaniaz, crowdfunding bidez autofinantzatuta. Geroztik Charles Darwin, Galileo Galilei, Isaac Newton, Marie Curie eta Santiago Ramón y Cajali buruzko komiki bana atera du. Orain Ikaselkar argitaletxeak horietako hiru atera ditu euskaraz: Marie Curie – Radioaren aktibitatea, Galileo – Izarren mezularia eta Newton – Grabitatea ekinean.

Guztia irakurri (eibar.org) »»