Esti Amorrortuk, Ane Ortegak, Itziar Idiazabalek eta Andoni Barreñak egin dute liburua.

Erdaldunen euskararekiko aurreiritziak eta jarrerak izeneko ikerlana egin du laukoteak. Lan taldeko kideetako bat izan da Amorrortu (Bilbo, 1969). Zergatik ikerketa hori? “Zelan erakarriko ditugu euskarara ez badakigu zein uste eta jarrera dituzten?”. Artikulu osoa.

Aurrenekoz eman dute Ilustrazioko Euskadi Saria. Elena Odriozola donostiarrak irabazi du, Aplastamiento de las gotas (Laberinto de las artes) liburuko marrazkiengatik. Julio Cortazarrek idatzi zituen maitasun istorio malenkoniatsua jasotzen duen liburuko testuak. Ruben Ruiz gasteiztarrak, bestalde, Haur eta Gazte Literaturako Euskadi Saria lortu du, Anekdotak liburuarekin (Pamiela).

Donostiako Arkitektura Goi Eskola Teknikoan (DAGET) soilik ematen dira arkitekturako ikasketak euskaraz. 1982tik jada Euskal Herriko Unibertsitatearen egituran egonda ere, 1995-96ko ikasturtera arte ez zen euskarazko adarra mailaz maila ezartzen hasi. Gaur egun, Arkitekturako ikasketak euskaraz izaten dira, hautazko irakasgaiak alde batera utzita. Dagoeneko euskaraz hezitako lehen bospasei arkitekto-belaunaldiak ari dira, hortaz, jan eta lan. Hemen duzu artikulu osoa.

Elhuyar Fundazioak eta EHUk Elhuyar zientzia eta teknologiaren hiztegi entziklopedikoa argitaratu dute, euskarazko lehendabizikoa. Zientzia eta teknologiaren alor guztiak jasotzen ditu 200 aditu baino gehiagoren artean egindako hiztegi entziklopediko honek. Informazio gehiagorako klikatu hemen.

Ez gara jendaurrean hitzaldi bikainak egiteko ikasita jaio. Unibertsitateko ikasleek ere zailtasunak izan ditzakete egoki komunikatzeko egoera formaletan. Ines Garcia irakasleak EHUn esku artean duten ikerlana azaldu digu artikulu honen bidez.

Diagnosia dela eta hainbat datu biltzen ari dira ikastetxeetako HNATak. Hori dela eta, hona hemen gure guneko udalerrietako EUSTATeko datuak.

Getxo:

• Euskaldunen proportzioa: %29
• Euskaldun alfabetatuen proportzioa: %24,8
• Jatorrizko euskaldunen proportzioa: %7,52

Mungia:

• Euskaldunen proportzioa: %55,9
• Euskaldun alfabetatuen proportzioa: %42,8
• Jatorrizko euskaldunen proportzioa: %38,8

Sopelana:

• Euskaldunen proportzioa: %38,8
• Euskaldun alfabetatuen proportzioa: %31,5
• Jatorrizko euskaldunen proportzioa: %14,29

Berango:

• Euskaldunen proportzioa: %34,7
• Euskaldun alfabetatuen proportzioa: %27,9
• Jatorrizko euskaldunen proportzioa: %12,6

Gatika:

• Euskaldunen proportzioa: %71,10
• Euskaldun alfabetatuen proportzioa: %56,2
• Jatorrizko euskaldunen proportzioa: %57,4

Plentzia:

• Euskaldunen proportzioa: %36,1
• Euskaldun alfabetatuen proportzioa: %28,5
• Jatorrizko euskaldunen proportzioa: %13,8

Bilboko Kontserbatorioak uko egin dio sei ikasturte barru eskaintza elebiduna egiteari, bertako kide gehienak alde dauden arren. Erabakitzeko ahalmena daukatenek, baina, nahiago izan dute euskarak orain arte bezain zokoratuta jarrai dezala. Denetik dago EAEko kontserbatorioetan, baina oro har esan daiteke euskararen soinu-banda doinurik tristeenekin eginda dagoela.

Diagnosia egin eta gero Hizkuntza Normalkuntzarako Proiektua diseinatzeko gogoeta prozesua izango duzue. Honetarako autogida prestatu digu Elhuyar taldeak. Hemen duzu eskuragarri:

ESKULIBURUA (autogida)

Euskadi Irratian 25 urte egin ditu Jakoba Errekondok: “Gurea bezalako hizkuntza minorizatu batentzat beste garrantzi bat hartzen du euskarazko irratiak. Internetekin, gainera, edozein lekutan entzun daiteke Euskadi Irratia, eta horrek beste bide batzuk irekitzen ditu. Ez dakit hori guztia ongi aprobetxatzen ari garen (…)

Azaroan Maite Goñik Blogaren erabilpenean sakontzen ikastaroa emango du arratsaldeko bostetatik zazpi t’erdietara.

Hemen dituzu egitaraua eta izena emateko argibideak:

Blogaren erabilpenean sakontzen-egitaraua

Blogaren erabilpenean sakontzen IZEN-EMATEA